Борбор жөнүндө

Ишмердиги

АКШда билим алуу

Тесттер

Программалар/Конкурстар

Кыргызстанда билим алуу

Сайттан издөө

EDMUND S. MUSKIE GRADUATE FELLOWSHIP PROGRAM (MUSKIE)

Edmund S. Muskie Graduate Fellowship Program (MUSKIE) АКШ Мамлекеттик департаментинин Билим жана Маданият иштери бюросунун программасы, жана IREX тарабынан ишке жүргүзүлөт. MUSKIE Армения, Азербайджан, Белоруссия, Грузия, Казахстан, Кыргызстан, Молдова, Россия, Таджикистан, Түркмөнстан, Украина жана Өзбекстан кардарларына Магистратура деңгээлин АКШдан алууга мүмкүнчүлүк берет. 

http://www.irex.org/programs/muskie/index.asp

OSI/FCO CHEVENING PROGRAM

Программа  Будапешт - Ачык Коом Институту жана Улуу Британиянын Тышкы иштер жана Кызматташтык иштери боюнча министрлиги тарабынан каржыланат. Программа илимдин магистри  даражасын алууга багытталган дипломдон кийинки бир жылдык окууга стипендияларды берет. Стипендияга бир жылдык окуу акысы, жатакана акысы, транспорттук чыгымдар (бир адамга) кирет. Программага республикада жашаган, 35 жаштан ашпаган, англис тилин мыкты билген жана эң жогорку академиялык ийгиликтерге жетишкен Кыргызстандын жарандары катыша алышат. Программа Эдинбург Университетинде, Оксфорд Университетинде, Йорк Университетинде  дипломдон кийинки окуу мүмкүнчүлүгүн берет. Бул программа "Кыргызстан - Сорос" Фонду тарабынан тейленет. Программа октябрь айында жарыяланат. 

http://www.soros.kg/ky/educational_scholarship/

OSI/DAAD PROGRAM

Программа Будапешт-Ачык Коом Институту жана DAAD кызматы тарабынан жүзөгө ашырылып, Германияда дипломдон кийин окуу үчүн стипендияларды (бир айдан үч жылга чейинки мөөнөткө) берет. Программа Германиядагы кесиптештери менен кызматташууга, окутуунун жана билим берүүнүн жаңыча методикаларын окуп- үйрөнүүгө, изилдөө иштерин жүргүзүүгө мүмкүндүк түзүп берет. Программанын алкагында Илимдин магистри даражасын алууга стипендиялар, диссертацияларды коргоо жана илимий стажировкалар үчүн стипендиялар берилет. Программага республикада жашаган, 32 жаштан ашпаган, немец же англис тилдерин билген Кыргыз Республикасынын жарандары катыша алышат. Бул программа "Кыргызстан - Сорос" Фонду жана Кыргызстанда ДААД маалыматтык борбору тарабынан тейленет. 

http://www.soros.kg/ky/educational_scholarship/

http://www.daad.edu.kg/

SOCIAL WORK MASTERS FELLOWSHIP PROGRAM

Программа социалдык саясатты иштеп чыгууга жана  социалдык реформаларды жүргүзүүгө тартылган, ошондой эле Кыргызстанда социалдык иштерге өбөлгө түзгөн социалдык кызматкерлердин АКШда магистратурада окуусуна мүмкүндүк түзүп берет. Программа эки жылга эсептелген. Программа Колумбия Университетинде, Вашингтон Университетинде окууга  мүмкүндүк берет. Программага катышуу үчүн төмөндөгү талаптарга жооп берүү зарыл: Кыргызстандын жараны болуу;

Жогорку билими жөнүндө артыкчылык дипломуна ээ болуу (4-5 жыл окуу); Англис тилин билүү (оозеки жана жазуу жүзүндө); Жогорку деңгээлдеги кесиптик чеберчиликке жана лидерлик сапаттарга ээ болуу. Программа сентябрь айынын аягында жарыяланат. Бул программа "Кыргызстан - Сорос" Фонду тарабынан тейленет.

http://www.soros.kg/ky/educational_scholarship/

OSI/CNOUS/FRENCH EMBASSY PROGRAM

Программа  Будапешт - Ачык Коом Институту, Кыргызстандагы Француз консулдугу  жана  Франциянын университеттери менен мектептерине  колдоо көрсөтүүчү улуттук борбор (CNOUS) менен бирдикте жүзөгө ашырылат. Программа төмөндөгү багыттар боюнча Франциянын университеттеринде окууга мүмкүндүк түзүп берет: философия, тарых, социология, саясий илимдер, антропология, этнология, экономикалык теория, укук теориясы, мамлекеттик башкаруу. Программа бир жылга эсептелген. Программага республикада жашаган, жогорку билими жөнүндө диплому бар жана француз тилин билген Кыргыз Республикасынын жарандары катыша алышат. Бул программа "Кыргызстан - Сорос" Фонду жана Кыргызстандагы Франция Элчилиги тарабынан тейленет. Программа октябрь айында жарыяланат.

http://www.soros.kg/ky/educational_scholarship/

CENTRAL EUROPEAN UNIVERSITY

Программанын алкагында төмөндөгү багыттар жана адистиктер боюнча академиялык жетишкендиктердин негизинде толук же жарым-жартылай финансылык жардам көрсөтүлөт: Экономика (MA, PhD); Орто кылым боюнча изилдөөлөр (MA, PhD); Айлана-чөйрө жана айлана-чөйрө жагындагы саясат (MS, PhD); Улутчулдук (MA); Гендерлик изилдөөлөр (MA, PhD); Философия (PhD); Тарых (MA, PhD); Саясий илимдер (MA, PhD); Эл аралык мамилелер жана Европалык изилдөөлөр (MA); Социология жана социалдык антропология (MA, PhD); Укук (LLM, MA, SJD); БЕУ бизнес мектеби (ВВА, МВА IMM, MS); Математика жана анын кошумча тиркемелери (PhD); Мамлекеттик башкаруу (MРР). Бул программа "Кыргызстан - Сорос" Фонду тарабынан тейленет.

Өтүнүч каттын формасы http://www.ceu.hu/ сайтында on-line режиминде толтурулат.

http://www.soros.kg/en/educational_scholarship/